थंडीत गूळ खाणे आरोग्यासाठी खूप फायदेशीर मानले जाते.
गूळाचा गोडवा आपल्यापैकी बहुतेकांना आकर्षित करतो, त्याला नैसर्गिक चव असते आणि त्यात भरपूर पोषक घटक असतात जे आरोग्यासाठी फायदेशीर असतात. विशेषतः हिवाळ्यात हे औषधापेक्षा कमी नाही. हे खाण्याचे तुमच्या आरोग्यासाठी काय फायदे आहेत ते जाणून घेऊया.
हिवाळ्यात गूळ खाण्याचे फायदे
1. हृदयाचे आरोग्य
गुळामध्ये आढळणारी नैसर्गिक साखर आणि अँटिऑक्सिडंट्स हृदयाचे आरोग्य चांगले ठेवण्यास मदत करतात. यामध्ये असलेले पोटॅशियम आणि मॅग्नेशियम हृदयासाठी देखील फायदेशीर आहे, जे रक्तदाब नियंत्रित ठेवण्यास उपयुक्त ठरू शकते. हिवाळ्यात अनेकांना हृदयविकाराचा झटका येण्याचा धोका असतो, अशा परिस्थितीत गूळ जरूर खावा.
2. रक्ताच्या गुठळ्या होण्यापासून रोखते
गुळात असलेले अँटीकोगुलेंट गुणधर्म रक्ताच्या गुठळ्या होण्यास रोखते. नसांच्या माध्यमातून शरीरातील सर्व भागातून रक्तप्रवाह सुरळीत होतो. हे संपूर्ण शरीरासाठी खूप चांगले असते.
3. कोलेस्ट्रॉल कमी होईल
जे लोक नियमितपणे साखरेऐवजी गुळाचे सेवन करतात त्यांच्या रक्तवाहिन्यांमधील कोलेस्ट्रॉलची पातळी कमी होते. तसेच लठ्ठपणा कमी करण्यास मदत होते.
4. रोगप्रतिकार शक्ती वाढेल
हिवाळ्यात आपली प्रतिकारशक्ती चांगली हवी, अन्यथा खोकला, सर्दी होण्याचा धोका असतो. अशा परिस्थितीत तुम्ही गूळ खाल्ल्यास तुमची रोगप्रतिकारशक्ती सुधारेल आणि तुम्ही कमी आजारी पडाल.
5. शरीराला ऊर्जा मिळेल
गुळामध्ये आढळणाऱ्या पोषक तत्वांमुळे ते उर्जेचा स्त्रोत देखील असू शकते. गूळ खाल्ल्याने शरीरात ताजेपणा येतो आणि दैनंदिन जीवनातील सामान्य कामे पार पाडण्यास मदत होते.
गूळ खाण्याची योग्य वेळ
दुपारी जेवणानंतर गूळ खाण्याचा सल्ला दिला जातो. यामुळे मेटाबॉलिक रेट वाढतो आणि पोटाचे विकारही टाळता येतात. तसेच यामुळे अन्नपचन होण्यास मदत मिळते.
