आजपासून सुरू होणाऱ्या हिवाळी अधिवेशनासाठी सत्ताधारी आणि विरोधक नागपूरमध्ये दाखल झाले आहेत. हिवाळी अधिवेशनासाठी नवाब मलिक देखील आज हजेरी लावणार आहेत.
आजपासून सुरू होणाऱ्या हिवाळी अधिवेशनासाठी सत्ताधारी आणि विरोधक नागपुरात दाखल झाले आहेत. हिवाळी अधिवेशनासाठी नवाब मलिकही आज हजेरी लावणार आहेत. नवाब मलिक सध्या वैद्यकीय जामिनावर बाहेर आहेत. दरम्यान, हिवाळी विधानसभेत नवाब मलिक अजित पवार गटासोबत बसणार की शरद पवार गटाशी, याकडे संपूर्ण राज्याचे लक्ष लागले आहे.
अजित पवार आणि समर्थक आमदारांनी भाजपला पाठिंबा देत शिवसेनेत प्रवेश केला, त्यानंतर पक्षात दोन गट पडले. तेव्हापासून मलिक यांनी आपण तटस्थ असल्याची भूमिका घेतली होती. नवाब मलिक आज विधानसभेच्या कामकाजात सहभागी होणार आहेत. या कामात सहभागी झाल्यानंतर नवाब मलिक कोणत्या गटाशी बसणार याची माहिती नाही.
राष्ट्रवादीच्या दोन्ही गटांच्या आमदारांसाठी स्वतंत्र आसनव्यवस्था राहणार नसल्याचे विश्वसनीय सूत्रांनी सांगितले. शिवसेनेप्रमाणेच राष्ट्रवादीतही दोन्ही नेत्यांना गट म्हणून मान्यता नसल्याने सर्व आमदार एकत्र बसण्याची शक्यता आहे.
दरम्यान, नवाब मलिक कोणत्या गटाशी बसणार याबाबत अनेक तर्कवितर्क लावले जात आहेत. गेल्या काही दिवसांपासून मलिक अजित पवार गटासोबत जाणार असल्याची चर्चा राजकीय वर्तुळात होती. मात्र, नवाब मलिककडून अद्याप कोणतीही अधिकृत प्रतिक्रिया आलेली नाही. त्यामुळे आजच्या अधिवेशनात मलिक हे शरद पवारांच्या बाजुला बसणार की अजित पवार गटाच्या, या चर्चेला पूर्णविराम मिळण्याची शक्यता आहे.
