ठाण्यात जेएन.१ व्हेरियंटचे एकाच दिवशी पाच नवीन रुग्ण आढळल्याने खळबळ उडाली आहे. यामध्ये ४ पुरूष आणि एका महिलेचा समावेश आहे.
कोरोना लेटेस्ट अपडेट: देशात कोरोनाच्या रुग्णांची संख्या दिवसेंदिवस वाढत आहे, दरम्यान, कोरोनाच्या नवीन सब व्हेरियंट जेएन.१ चे रुग्ण वेगवेगळ्या ठिकाणी आढळून येत असल्याने चिंता वाढली आहे. दरम्यान, एकाच दिवशी JN.1 प्रकाराचे पाच नवीन रुग्ण आढळल्याने ठाण्यात खळबळ उडाली आहे. त्यात 4 पुरुष आणि 1 महिलेचा समावेश आहे.
महत्त्वाची बाब म्हणजे रविवारी दिवसभरात राज्यात जेएन.१ विषाणूचे तब्बल नऊ रुग्ण आढळून आले आहेत. नवीन बाधित रुग्णांमध्ये ठाणे महापालिका क्षेत्रात 5, पुणे महापालिका क्षेत्रात 02, पुणे जिल्ह्यात आणि अकोला महापालिका क्षेत्रात प्रत्येकी 1 रुग्ण आढळून आला आहे. धक्कादायक बाब म्हणजे यापैकी ८ रुग्णांनी कोरोना लसीचे दोन्ही डोस घेतले आहेत.
दरम्यान, सापडलेल्या रूग्णांना अलग ठेवण्यात आले असून त्यांच्यापैकी कोणालाही JN.1 प्रकाराची गंभीर लक्षणे आढळली नाहीत आणि त्यांच्यावर उपचार सुरू आहेत. त्यांच्या प्रकृतीतही सुधारणा होत असल्याचे राज्याच्या आरोग्य विभागाकडून सांगण्यात आले. देशात कोरोनाच्या नवीन JN.1 प्रकाराचा पहिला रुग्ण केरळमध्ये आढळून आला. राज्यातील पहिलाच रुग्ण सिंधुदुर्ग जिल्ह्यात आढळून आला. मात्र आता ठाणे आणि पुणे शहरातही या नवीन प्रकाराचे रुग्ण आढळून आल्याने प्रशासन सतर्क झाले आहे.
राज्यात वाढत चाललेल्या कोरोनाच्या रुग्णांमुले शहरातील कोरोना तपासण्या वाढवण्यात येत आहेत. तसेच सर्दी, खोकला, घसादुखी, ताप यासारखी लक्षणे दिसल्यास नागरिकांनी डॉक्टरांचा सल्ला घ्या, असं आवाहन प्रशासनाच्या वतीने करण्यात आलं आहे.
