ताज हॉटेल डेटा ब्रीच: टाटाच्या मालकीच्या ताज हॉटेलचा डेटा लीक झाला आहे. अहवालानुसार, नुकत्याच झालेल्या डेटा लीकमध्ये सुमारे 1.5 दशलक्ष म्हणजेच 15 लाख लोकांचा डेटा गुंतला होता. आयएएनएस या वृत्तसंस्थेनुसार, ताज समूह चालवणाऱ्या इंडियन हॉटेल्स कंपनी लिमिटेड (आयएचसीएल) ने सांगितले की, कंपनी डेटा लीकची चौकशी करत आहे.
या डेटा लीक प्रकरणात कंपनीकडून $5,000 ची खंडणीही मागितली आहे. ‘Dnacookies’ नावाचे ट्विटर हँडल चालवणाऱ्या एका व्यक्तीने ही खंडणी मागितली आहे. लीक झालेल्या डेटामध्ये ग्राहकांचा डेटा, मेंबरशिप आयडी, मोबाईल नंबर आणि इतर वैयक्तिक माहितीचा समावेश होता.
ताज ग्रुपचे व्यवस्थापन करणाऱ्या इंडियन हॉटेल्स कंपनी लिमिटेड (IHCL) च्या प्रवक्त्याने CNBC-TV18 ला सांगितले की, “काही ग्राहकांचा डेटा ताब्यात असल्याचा दावा करणाऱ्या व्यक्तीची आम्हाला माहिती आहे.”
डेटा हॅकरने 2014 ते 2020 पर्यंतचा डेटा असल्याचा दावा केला आहे आणि तो आतापर्यंत कुठेही सार्वजनिक करण्यात आलेला नाही. व्यक्तीने त्याच्या दाव्याचे समर्थन करण्यासाठी एक नमुना देखील जारी केला आहे.
आयएचसीएलच्या प्रवक्त्याने सांगितले की कंपनी दाव्याची चौकशी करत आहे आणि हे प्रकरण संबंधित अधिकाऱ्यांना कळवण्यात आले आहे. इंडियन कॉम्प्युटर इमर्जन्सी रिस्पॉन्स टीम (CERT-In) ला देखील डेटा लीक झाल्याची माहिती आहे आणि ते या प्रकरणाची चौकशी करत आहेत.
