वयाचा तिशीचा टप्पा महत्त्वाचा मानला जातो. या वयात आपण सेटल झालेलो असतो, कामा, नोकरी, संसाराचे एक रूटीन बसलेले असते. जसे या सगळ्या गोष्टींचे रूटीन महत्त्वाचे असते. तसेच, आरोग्यासाठी लागणाऱ्या गोष्टींचेही रूटीन महत्त्वाचे असते.
विशिष्ट वयानंतर महिला आणि पुरुषांच्या शरीरात हार्मोन्समध्ये बदल, त्वचेशी संबंधित समस्या, सांधेदुखी इत्यादी समस्या वाढू लागतात. वयाच्या ३० वर्षानंतर स्वत:ला निरोगी ठेवणं खूप गरजेचं होतं. अस्वास्थ्यकर जीवनशैली, खाण्यापिण्याच्या सवयींकडे लक्ष न देणे यासारखी कारणे या वयातच अनेक आजारांना आमंत्रण देऊ शकतात.
जसे तुम्ही 30 वर्षांमध्ये प्रवेश करता, निरोगी भविष्यासाठी आहारात काही बदल करणे महत्त्वाचे होते, चला तर मग आपण आहारतज्ञांकडून जाणून घेऊया वयाच्या ३० नंतर आहारात कोणते बदल आवश्यक आहेत.
३० वर्षांनंतर आहारात हे ५ बदल करा –
तुमच्या आहारातील फायबरचे प्रमाण वाढवा
तुमच्या रोजच्या आहारात फायबरचा अधिक समावेश करण्याचा प्रयत्न करा. ताजी फळे आणि भाज्यांमधून 20 ते 30 ग्रॅम फायबर मिळेल असे अन्नपदार्थ निवडा. फायबर तुमच्या आतड्यांचे आरोग्य सुधारेल, योग्य पचन आणि पोषक तत्वांचे शोषण करण्यास मदत करेल आणि तुमच्या संपूर्ण आरोग्यास मदत करेल.
ओमेगा -3 फॅटी ऍसिड
तुमच्या आहारात ओमेगा-३ फॅटी अॅसिडचे स्रोत जसे की नट्स, बिया आणि हेल्दी ऑईल यांचा समावेश करा. ओमेगा -3 फॅटी ऍसिडस् समृध्द अन्न जळजळांशी लढण्यास मदत करेल, हृदय निरोगी ठेवेल आणि हाडे मजबूत करतील. यामुळे तुम्हाला म्हातारणी गुढगे दुखी, सांधेदुखीची समस्या होणार नाही.
कॅल्शियमला प्राधान्य द्या
मजबूत हाडांसाठी कॅल्शियम एक आवश्यक स्रोत आहे. वयाच्या ३० वर्षांनंतर शरीरात व्हिटॅमिन्स आणि मिनरल्सची कमतरता निर्माण होते, त्यामुळे शरीर कमजोर होऊ लागते. अशा परिस्थितीत तुम्ही तुमच्या आहारात दूध आणि दुग्धजन्य पदार्थ, हिरव्या पालेभाज्या, मशरूम, नाचणी यासारख्या पदार्थांचा समावेश करू शकता.
हिरव्या भाज्या आणि फळे खा
पौष्टिक-समृद्ध वनस्पती स्रोत निवडा, कारण ते पॉलिफेनॉल आणि अँटिऑक्सिडंट्समध्ये समृद्ध आहेत जे तुमचे हृदय आणि आतडे निरोगी ठेवण्यास मदत करतात. तुम्ही तुमच्या रोजच्या आहारात सोया उत्पादने, हिरव्या पालेभाज्या, सॅलड आणि फळांचा समावेश करू शकता.
हार्मोन्स संतुलित कसे राहतील याची काळजी घ्या
वयाच्या ३० वर्षांनंतर शरीरातील हार्मोन्सची पातळी बदलू लागते, ज्यामुळे महिला आणि पुरुष दोघांच्याही आरोग्यावर परिणाम होऊ शकतो. चांगले हार्मोनल संतुलन राखण्यासाठी, तुम्ही तुमच्या आहारात मॅग्नेशियम, बी6 व्हिटॅमिन आणि ओमेगा -3 फॅटी ऍसिडचा समावेश करून तुमचे हार्मोन संतुलित करू शकता.
